Jenerari KABAREBA James mu burobyi bw'amafi

 

.....................

Umugaba w段ngabo z置 Rwanda Bwana Kabarebe James n置muryango we, bafatanije n置muryango w置mwe mu bacuruzi bakomeye mu Rwanda no mu karere Bwana Mugisha Joseph benshi bazi ku izina rya company ye ォ Fair Construction サ bigaruriye i soci騁 y置burobyi bw誕mafi mu biyaga byo muri Parc National y但kagera(Lac Ihema).

 
Mu bisanzwe nta gitangaza cyakabaye kuba abanyarwanda nk誕bo navuze haruguru bashora imari yabo mu bikorwa by置burobyi. Bipfa kuba byubahirije umuco nyarwanda n誕mategeko y段gihugu. Ariko rero si ko byagenze. Ubwo burobyi bigaruriye babwambuye umwana w置munyarwanda nyuma yo kumutoteza bitavugwa kugeza n誕ho bagerageza kumuvutsa ubuzima bwe mu buryo bwa kinyamaswa.
 
Nyuma y誕ho Bwana RUSHOMWINTWARI Sylvestre ari we tuvuga aha apiganiye kandi agatsindira ku mugaragaro iyegurirwa ry置burobyi bwo mu kiyaga Ihema kubera ubumenyi n置bushobozi yari yagaragaje cyane cyane mu guteza imbere umushinga w置burobyi ari na ko abungabunga Ibidukikije(Environnement) byo mu karere ka Parc y但kagera(dore ko ari na byo yigiye-ni 馗ologiste w置munyarwanda), yashinze i soci騁 ikora neza ku buryo yaje gukurura amashyari ya ba ba ォ bakame サ twavuze aho hejuru.
 
Mumbabarire kuba nkoresheje iryo zina ォ bakame サ mvuga abanyacyubahiro cyangwa se abafasha babo. Ni ukubera ko uburyarya n置bucabiranya ari byo bakoresheje mu kwegera Rushomwintwari kugeza aho bamwamburiye utwe. Uko byagenze ni birebire cyane. Ariko icy段ngenzi kigomba kumenywa na buri wese ni uko Bwana Rushomwintwari yatotejwe, agafungwa arengana kugeza n誕ho bamuta(mumbabarire si ugusebanya cyangwa se gukabya inkuru, ni ko byabaye), Bwana Rushomwintwari bamutaye mu musarani ku mabwiriza aturutse i bukuru ariko Imana ikinga akaboko umusarani uramuruka, ashobora guhunga, asohoka uwo musarani yerekeza iyo mu buhungiro. Mu gihe twandika iyi nkuru ntitwakwemeza ko akiriho kubera ko bariya babisha be baje kumenya ko wa musarane wamurutse bagatangira kumuhigisha uruhindu. Impungenge zacu rero ni uko dukurikije ubuhanga mu bugome basanganywe, baba baramukurikiye aho yahungiye bakamusya.
 
Impamvu twibanda kuri Rushomwintwari kandi hari n誕bandi benshi barengana nka we, ni uko ari umwe mu banyarwanda bake bari mu gihugu muri ibyo bihe bya 1998-2005 werekanye cyane urukundo afitiye u Rwanda n誕banyarwanda cyane cyane akanerekana ubushake bwo gufasha inzego z置butegetsi mu mirimo yazo.
 
Aha twatanga nk置rugero rw段baruwa yandikiye Perezida wa Republika amugira inama ku byerekeye ikibazo cy段bura ry置muriro w誕mashanyarazi mu Rwanda bikaba bikomeje no kugira ingaruka ziremereye ku bukungu bw段gihugu no ku mibereho y誕banyarwanda bose.
 
Ndasoza mpamagarira buri munyarwanda cyangwa se n置munyamahanga wabishobora ngo badufashe :
 
  1. Kumenya niba Bwana Rushomwintwari yaba agihumeka, aha na we kandi aramutse abonye iyi nyandiko, ntazazuyaze kutumenyesha ko akiriho n誕ho yaba aherereye ;
  1. Ku banyamategeko n誕babunganira babishoboye, twafatanya kugira ngo dukurikirane ibi bintu by誕karengane n置rugomo kuko inyandiko n段bindi bimenyetso byinshi twashoboye kubikusanya tukaba tubifite.
  1. Abafite ibyo bazi kuri aya manyanga bari bakwiye kwihutira kudufasha batanga ubuhamya bwabo hakiri kare ku byo bazi kugira ngo ejo batazafatwa nk誕bagambanyi. Uruhare rwabo ni ingenzi kugira ngo abo babisha bose batahurwe maze bakanirwe urubakwiye.   
Kuri izo ngirwa bategetsi navuze na zo, nagira ngo nzimenyeshe ku mugaragaro ko twiyemeje(jye ubwanjye n誕bo dufatanije) kuzakurikirana iki kibazo kugeza aho ukuri kose kugiriye ahabona. Tuzifashisha abapfuye n誕bagihagaze, abahisi n誕bagenzi, abanyarwanda n誕banyamahanga, ariko ukuri kugaragare.
 
Syi we !!! Dore aho mwahereye muserereza abaturage. Mwabambuye utwabo, murabacupiza ; abo mudakomerekeje cyangwa ngo mubasye murabamenesha. Ibyo TURABIRAMBIWE.
 
Rutikanga Jean d但mour

...........................................................................................................................................................................................

 

KABAREBE JAMES MU BUCURUZI BW'AMAFI!?
 
 
Harya ngo Kagame Pawulo arwanya ''korabusheni"(corruption)?
 
 
Ese koko Kabarebe Umugaba mukuru w'ingabo z'u Rwanda yaba afite uruhare mu manyanga yaranzwe mu burobyi bw'amafi yo mu kiyaga cy'Ihema?
 
Mu nyandiko ye yo mu mwaka ushize yise ''CHEF D脱TAT MAJOR GENERAL DES ARMEES, GENERAL KABAREBE JAMES, MU BUROBYI BW但MAFI", uwitwa Rutikanga Jean d'amour yavugagamo ibyago by'umugabo witwa Rushomwintwali Sylvestre wahoze afite umushinga w'uburobyi muri Parc national y'Akagera nyuma akaza guhohoterwa bikomeye bikanamuviramo no guhunga na nubu tukaba tutaramenya neza igihugu abarizwamo.
 
Rushomwintwali twari twamwumvise by'amahushuka ndetse twigeze no kuvugana mu mwaka wa 2005, icyo gihe yari muri Tanzaniya ariko ntiyahatinze. Icyo gihe twagerageje kumusaba amakuru kuri dosiye ye ariko yanga kugira icyo adutangariza. Yaratubwiye ngo turateta cyane. Ati ''Mwirengagije ko abampohoteye wasanga n'aha bahankurikiye bakahantsinda?''.
 
Twakomeje rero gushakisha amakuru ahagije kuri iyo dosiye ariko tukabura ibimenyetso bifatika kugeza aho Rugamba Didier yatangarizaga ko abifite. Twabanje gufata inkuru ya Rugamba nk'ibihuha ariko tumwandikiye aduha ibimenyetso bitari bike. Icyakora twanze guhita tubitangaza kuko twari tugishakisha ibindi ndetse tukaba twaragize amahirwe tukabona na za documents ndetse zisinye nk'uko muza kubyiyumvira musomye iyi nyandiko.
 
Mu by'ukuri Rushomwintwari yazize Mme Mudenge Esp駻ance Mudenge, umugore wa Kabarebe, azira Mudenge J.MV. musaza w'uwo mudamu, azira kandi n'umugore wa Mugisha Joseph, umucuruzi ufite isosiyete yitwa ''Fair Construction'', uwo mudamu akaba ari inshuti magara ya Madamu Kabarebe.
 
Byagenze bite rero?
 
Rushomwintwali yahoranye isosiyete yitwaga ''DRACAENAS HOUSE'' yari ifite no. RC A6591 ikaba yarakoreraga i Kigali kuva mu mwaka wa 2000.
 
Mu ibaruwa no. 426/Priv/BR/Am yo kuwa 11/10/2000, Minisiteri y'imari Secretariat ya Privatisation yandikiye Bwana Rushomwintwali, igasinywa na Bwana Bayigamba Robert wari Secretaire Ex馗utif, yamenyeshaga Rushomwintwali ko yemerewe kugura umushinga w'uburobyi mu kiyaga Ihema ari na ko imusaba kugaragaza uburyo n'aho yateganyaga gukura amafaranga ya ngombwa yageraga kuri 62.000.000Frw.
 
Mu rwandiko no. 9/Priv/BR/AM rwo kuwa 10/01/2001, Bwana Bayigamba yasabye Rushomwintwali nk'uwari uhagarariye ''DRACAENAS HOUSE'' gushyira kimwe cya cumi(1/10) cya 62.000.000Frw kuri Compte no. 120.01.80 yo muri BNR. Ayo mafaranga kandi yagombaga kuba yageze kuri compte bitarenze itariki ya 31/01/2001. Ayo mafaranga angana na 6.200.000Frw yatanzwe ari ch鑷ue no. 000028439 ya COGEBANQUE, i Kigali tariki ya 11/01/2001 mu izina rya Secr騁ariat Ex馗utif ya Privatisation.
 
Mu nyandiko mvugo y'inama rusange yo kuwa 15/02/2001, hagaragara uburyo haremwe isosiyete yiswe SOPEM SARL(Soci騁 de P鹹he du Mutara) ikaba ari yo yasimbuye DRACAENAS HOUSE ya Rushomwintwali  ku byerekeye umushinga w'uburobyi. Iyo nama kandi yemeje ko Rushomwintwali aba G駻ant wa SOPEM. Iyo nama yari yahuje nyine Rushomwintwali Sylvestre, Ngarambe Emmanuel na Mudenge Esp駻ance(Mme Kabarebe).
 
Na none mu rwego rwo gusimbuza ''DRACAENAS HOUSE'' ''SOPEM", iyo nama yafashe icyemezo cy'uko SOPEM igomba kwishyura DRACAENAS HOUSE 200.000$US nyuma y'umwaka umwe umushinga w'uburobyi utangiye. Iyo nyandiko mvugo yasinywe n'abahuriye muri SOPEM uko ari batatu kandi iriho cachet ya SOPEM.
 
Nk'uko biboneka rero, Sosiyete DRACAENAS HOUSE ya Rushomwintwali Sylvestre ni yo yapiganiye umushinga w'uburobyi kandi yarawutsindiye. Mu rwego rwo gufatanya no kwongera ingufu, Rushomwintwali abisabwe na Mme Kabarebe na Bwana Ngarambe Emmanuel, yemeye kurekura nako gusangira uwo mushinga w'uburobyi ku bwumvikane bugaragazwa na Proc鑚 verbal y'inama twavuze haruguru.
 
Maze Mme Afande yigarurira SOPEM!   
 
Inyandiko nyinshi dufite ziragaragaza bihagije uburyo madamu Kabarebe, akoresheje ubucabiranya bwinshi n'uburemere bw'umugabo we, yakoze ibishoboka n'ibidashoboka agamije kwigarurira SOPEM Rushomwintwali yari abereye G駻ant dore ko nubundi ari we yari yakesheje kubaho.
 
Uwo mushinga wa SOPEM kandi wari warahaye akazi Bwana Mudenge JMV. akaba musaza wa Madamu Kabarebe. Imyitwarire idahwitse y'uwo musore nko kugirira urugomo runyuranye abakozi bo muri Pariki ndetse bamwe ntanatinye kubambura imbunda z'akazi kandi atabahaye, gukora magendu(fraude) z'umuceri, isukali na kanyanga, kurobesha imitego itemewe n'amasezerano SOPEM yari yaragiranye na MINECOFIN na ORTPN. Ibyo byose bigaragara mu ibaruwa no. 055/2005 yo kuwa 23/05/2005 Rushomwintwali yandikiye Mudenge, na yo yakurikiraga indi ya no. 30/04 yo kuwa 16/12/2004. 
 
Rushomwintwali yabanje kwihangana ariko biza kumunanira ndetse aza no gufata icyemezo cyo kwirukana Mudenge maze aba akojeje agati mu ntozi. Kwirukana muramu wa Afande Kabarebe James si ikintu cyoroshye mu Rwanda rwa FPR!
 
Nuko Rushomwintwali yiyambaza Afande Kabarebe!
 
Ibintu rero byaje gukomera cyane ndetse Mme Kabarebe afata icyemezo cyo gusesa amasezerano SOPEM yari yaragiranye n'amwe mu mashyirahamwe y'abaturage bo mu Mutara mu rwego rwo kubatera inkunga nk'uko byateganywaga n'amasezerano ya SOPEM na Minisiteri.
 
Ibaruwa Mme Kabarebe yandikiye Umurutasate Adeline kuwa 09/05/2005 isa n'igaragaza ko Mme Afande yashakaga kwihimura kubera iyirukanwa rya musaza we. Bishobora kandi no kuba kimwe mu bikorwa bitabarika yakoze mu rwego rwo gusabota Rushomwintwali. Uyu mugabo wanze kuryamira ijambo yandikiye Mme Kabarebe amubwira ko nta burenganzira afite bwo gusesa amasezerano mu izina rya Sosiyete atanagishije inama abandi bayifitemo imigabane bose ngo babanze babyumvikaneho kandi bikorwe hubahirijwe amategeko abigenga. Iyo baruwa Rushomwintwali yandikiye Mme Kabarebe yayigeretse kandi ku ya yari yandikiye Afande Kabarebe James na bwana Mugisha Joseph abatabaza ngo bagerageze kumwumvikanisha n'abadamu babo. Ayo mabaruwa yose turayafite.
 
Dufite ndetse n'ibaruwa yanditswe na Mme Umurutasate afatanije na Habiyaremye Jean Baptiste bandikiye ubuyobozi bwa SOPEM banenga cyane imikorere n'imyitwarire ya Mudenge Esp駻ance ari we Mme Kabarebe. Muri iyo baruwa bavugaga ko badashobora guha agaciro ibaruwa ya Mme Kabarebe ndetse bayitaga ''tract''.
 
Si bwo Rushomwintwali agiye muri mabuso!     
 
Icyemezo MA/No. RPGR 120 213/S1/05/ME gifunga by'agateganyo Bwana Rushomwintwali kiratangaje kikanasetsa kandi ariko kirababaje cyane. Biragaragara rwose ko umucamanza Manishimwe Antoine wagifashe yari yabihatiwe kuko ''icyaha cy'ubuhemu'' n'icyo ''kwiba hakoreshejwe imfunguzo zidakoreshejwe na nyiri inzu'' cyari igipapirano. Rushomwintwali yafunzwe kuwa 08/06/2005 maze umuntu yari asanze mu munyururu akaba yararegwaga kumena inzu no kwiba moteri ya SOPEM baba bamurekuye by'agateganyo ngo arashaje!!!
 
Ibyo byose byari ikinamico ryari rigamije gutesha umutwe Rushomwintwali  ngo akunde agire ubwoba maze abahebere SOPEM n'ibyayo byose. Ariko umugabo Murenzi Pamphile w'umugororwa muri gereza ya Nyagatare wari wakoreshejwe mu gushinja Rushomwintwali yaje gutinyuka yandikira ubushinjacyaha avuguruza ibyo yari yamubeshyeye byose. Iyo baruwa ye ni iyo kuwa 10/06/2005 kandi dufite copie yayo.
 
Ntibyatinze cyane rero Rushomwintwali arafungurwa ku itariki ya 28/06/2005 nk'uko bigaragazwa n'ikiza ry'urubanza DPA 007/05/HC/RWG y'Urukiko rukuru rwa Repubulika rw'i Rwamagana ruburanisha imanza z'inshinjabyaha mu rwego rw'ubujurire.
 
Nuko Madamu Kabarebe yigira umuyobozi wa SOPEM!
 
Iminsi Rushomwintwari yamaze afunze ntiyapfiriye ubusa Mme Afande. Bamaze kumufungisha bihutira guhinduza ubuyobozi bwa SOPEM maze bwandikwa kuri Mudenge Esp駻ance nk'uko bigaragarira mu ibaruwa no.1460/16.03/01.03 yo kuwa 21/06/2005 Minisiteri y'ubutaka, ibidukikije n'amashyamba yandikiye Secr騁aire Ex馗utif wa Secr騁ariat de Privatisation imumenyesha ko ''SOPEM S.A.R.L" isigaye ihagarariwe na Esp駻ance MUDENGE.
 
Ibyo byakozwe mu mayobera bisinywa na Bwana Rurangwa B. Eug鈩e nka Conservateur des Titres Fonciers kandi nta document n'imwe cyangwa se P.V ya Assembl馥 g駭駻ale ya SOPEM yashingiyeho. Mme Kabarebe rero amaze kwigarurira SOPEM, nta kindi cyari gisigaye usibye kwikiza Rushomwintwali kugira ngo ejo atazavaho agerageza kwirwanaho cyangwa ngo yishyuze ka kayabo ka 200.000$US kanditse mu masezerano hagati ya ''SOPEM'' na ''DRACAENAS HOUSE''. Uwo mugabo Rushomwintwali kandi na we ntiyari umuntu woroshye kuko atapfaga gukangika. Nguwo uyu munsi mu kuvuganira abaturage ngo ntibagafungirwe akamama cyangwa ngo babakubite, nguwo mu kwandikira Perezida wa Repubulika agerageza kumwereka impamvu nyakuri zateye ibura ry'umuriro w'amashanyarazi mu gihugu kandi ntatinye gushyira mu majwi bimwe mu bikonyozi byigereraga i bukuru. Ayo mabarwa yose tuyafitiye copies, nibiba ngombwa tuzayagarukaho.
 
Mme Kabarebe rero yamaze kubirambirwa ahitamo ''gufanyiya umushenzi" nk'uko bivugwa muri Cyama. Maze atuma abantu bamujugunya mu musarani. Amahirwe ya Rushomwintwali ni uko yasanze muri uwo musarani wari ukiri ''mushya'' harimo igiti kinini kandi kirekira akabasha kucyuririraho agashobora gusohoka. Ariko nyine yawusohotsemo ari indembe, ni Rutikanga yitaga ''kumuruka''. Rubanda bagira urwenya!
 
Ariko wabona na Rushomwintwali yashoboye kuhivana.Twaje kumenya ko hari abandi bakoranaga batagize amahirwe nk'aye. Hari nk'umukozi umwe bishe nabi cyane ku buryo uwakwandika ibyo bamukoreye byavamo inyandiko ingana n'iyi ngiyi. Dushobora kuzabigarukaho ubutaha nibidushobokera.
 
Mu gusoza iyi nyandiko, turasaba dukomeje abanyarwanda bose gushyira mu gaciro bakajya bamagana ubugome aho bwaturuka hose batarebye ubwoko, akarere cyangwa ishyaka rya politiki abagome baturukamo.
 
Tumaze kubimenyera, ibi twanditse hari abazabyita ''gukwiza impuha'', ''gushyushya imitwe'', ''guharabika ubutegetsi'', ''gusebanya'' no ''kwanduranya''. Nyamara kandi akariho karavugwa kandi uvuze ko nyiri urugo yapfuye si we uba yamwishe. Amahano nk'aya si Rushomwintwali yabayeho wenyine mu Rwanda. Na nubu twandika, hari abaturage b'inzirakarengane bakomeje guteshwa umutwe n'abo bise ''abagizi ba nabi'' batajya batahurwa ngo bamenyekane kandi bahanwe, hari abanyapolitiki, abanyamakuru n'abandi baharanira uburenganzira bw'ikiremwamuntu baborera muri gereza bazira gusa kutavuga rumwe na FPR, hari abahora babundabunda mu Rwanda kubera gutinya DMI, LDF n'ibikoresho byabo, hari ndetse n'abategetswe ''gutaha kare'' ngo baticwa, hakaba n'impunzi z'abanyarwanda zikiri nyinshi ku isi hose zitegereje amahoro ngo zitahe zifatanye n'abandi kubaka igihugu. Ibi byose kubirebera ngo ejo utitwa ibi n'ibi byaba ari ukuba inkundarubyino.
 
Twanze guhishira ubugome, ubwicanyi n'andi mafuti yose. Ntituzaceceka ngo turatinya kwitwa ''byacitse'' mu gihe tuzi neza ko byacitse nyine. None se koko niba umuntu nka Afande Kabarebe Jamesyizihirwa mu manyanga nk'ayo tubabwiye, Kayonga Charles agashimuta inka z'abagogwe mu gihe Nziza yirirwa atohoza amagambo ''asebya'' Cyama ngo akaba avugirwa mu tubari tw'i Kigali, naho Kagame akigamba ngo ararwanya ''korabusheni'' ari na ko yita bamwe mu byegera bye ''nothing' cyangwa ''useless'', abanyamakuru batinyutse kwandika ukuri bagahinduka ''mayibobo'', murasanga twaceceka rikarema?
 
Twabibabwiye kenshi reka tubisubiremo : Muri Pop_info, TURAZIMURA ariko NTITUBESHYA.
 
Mugire amahoro.
 
Pop_info2005@yahoo.fr
02/02/2007