Jeudi 1 septembre 2011 4 01 /09 /Sep /2011 14:30

Nyuma y段ngoyi noneho ka Gatsiko kagaruye n置buhake mu Rwanda .(www.leprophete.fr)

 N'imbere y'umucamanza : Victoire Ingabire aboheye amaboko mu mugongo mu gihe abicanyi bazi guhakirizwa nta mapingu abarimo ! Agatsiko kagaruye ingoyi n'ubuhake mu Rwanda! Tuzakomeza kubyihanganira kugera ryari ?

 


 

I.Ingoyi
Kimwe mu bizakubwira abantu bishwe n段ngabo z誕gatsiko kibohoreje u Rwanda ni uko bazaba baboheye amaboko inyuma, limwe na limwe banabambye ku biti. Kugarura iyo ngoyi yali yaraciwe mu Rwanda mu w1959 ni kimwe mu byo Faustin TWAGIRAMUNGU akiri ministri w棚ntebe na nyakwigendera Seth SENDASHONGA akiri ministiri w置butegetsi bw段gihugu bapfuye na jenerali Paul KAGAME akiri visiperezida, ministiri w段ngabo n置mugaba mukuru wazo. N置bu hari gihamya nyinshi ko mu Rwanda hari imfungwa, zirimo ndetse n誕bategarugoli nka Victoire INGABIRE UMUHOZA, ziriranwa amapingo, zikayararana, zikajya mu rukiko imbere y誕bacamanza ziboshye kandi ubundi bibujijwe n誕mategeko. Si ingoyi gusa Inkotanyi zagaruye mu Rwanda, ahubwo ziriho ziragarura n置buhake.


II. Ubuhake
Ufashe umworozi ukamwambura amatungo ye n置rwuri rwe, ugafata umuhinzi ukamwambura imilima ye, uba ugirango basigare batunzwe n段ki kitali ugusabiliza, guca inshuro cyangwa guhakwa ? Ufashe umusaza rukukuli, umutwikiye inzu ngo ni uko ali nyakatsi, ufashe umuhungu we, umwambuye akalima yahingaga, ugize umuzukuru we wacitse ku icumu ry段 Tingi Tingi umuvaniyeho inguzanyo yo kwiga muri kaminuza. Abo bantu bazatungwa n段ki usibye gusabiliza, guca inshuro cyangwa guhakwa ?

  Mu minsi ishize padiri Thomas NAHIMANA yafashe ikaramu n置rupapuro, akora umulimo ubundi wagombye gukorwa n誕bitwa intumwa za rubanda wo kwamagana ukuntu abahinzi b置muceli mu Bugarama bambuwe imilima yabo. Yavuze abo mu Bugarama gusa, ariko siho gusa byabaye, ako karengane kabaye n誕handi hantu henshi mu Rwanda. Nyuma twaje gusoma mu mvaho nshya ndetse no kuri uru rubuga www.leprophete.fr ibisobanuro bitagira epfo na ruguru by置witwa Paul JABO.

  Jabo ati abambere bazajya kurenganura abo bahinzi ni abasilkali n誕bapolisi. Abasilikali n誕bapolisi bazaba bagiye gukora iki mu bishanga ? Habaye intambara se cyangwa hapfuye umuntu? Ubundi hagombye kujyayo abagoronome, abacamanza, abunganira abandi mu kuburana n誕bategetsi bo mu nzego z段banze. Abasilikali n誕bapolisi bagiye gukorayo iki?

Umuturage waraye ubusa, kuberako nyine bamwambuye imilima ye, azabasha ate kwivuganira imbera y誕basilikali n誕bapolisi bambaye imyenda y段ntambara, bitwaje imbunda nini n誕masasu, utundi tubunda duto ku matako, za panyari ku mapokezo y段pantalo, izuba ryakubita ku bugi bwa bayoneti zigashashagirana ? Uwo muturage kandi ntazaba ayobewe ko uwo arega ari nawe aregera. None se abo basilikali, ababakuliye cyangwa bene wabo si bo bigaruliye iyo milima y置muceli ku ngufu ?

  JABO agakomeza aculikiranya ibigambo bitumvikana ngo habaye amakosa ya tekiniki! Ayo makosa ya tekiniki se ni umuhinzi wayakoze ? Uw誕bandi ntazi n段cyo iryo jambo livuga, aliko JABO ni ryo akoresha amuzibya. Niba se hari abahanga bakoze amakosa ya tekiniki, kwambura umuturage imilima ye ni byo bikemura ikibazo?

  Ngo umusaruro w置muceli waragabanutse ! None se kwambura umuturage imilima ye ni cyo gisubizo ? Ba agoronome se bamwerekereye uko afumbira imirima ye, bamuhaye imbuto z置muceli zera kurusha izindi, bamwigishije ku neza uko umuceli uhingwa ! Kumunyaga ni cyo gisubizo ?

  Ngo tugomba gusaranganya, ngo hali ubuso buli muturage atagomba kurenza ! Paul KAGAME afite hegitari zingahe kuri Muhazi ? Abambari be bafite zingahe mu burasirazuba no mu zindi mpande zose z置 Rwanda ? Ibyo bikingi tuzabisaranganya ryari ? Za ndege, ya mazu, za modoka, za miliyoni na miliyoni, ziri mu mabanki n段bindi byose byikubiwe n但gatsiko ? Ese kuki tugomba gusaranganya iby誕bakene, ariko ntidusaranganye iby誕baherwe bari ku ngoma ?


 

III. Kugarura ubuhake mu Rwanda ni ikintu kibi.
 

Nyakwigendera padiri Inosenti Rubelizesa yigeze gutinyuka kwandika ngoUbuhake ntibwari bubi; bwasobanuwe nabi, bwumvikana nabi. Oya rwose, ubuhake bwari bubi, nta n段mpamvu yo kubijyaho impaka za ngo turwane. Kubihakana kwaba ari ukwigiza nkana, aka Rwigizankana rwa Nirwange wabonye inzu ihiye, ati ォ njye nimunsasire niryamire サ. Ahari uhaka ashobora kuvuga ko ubuhake ari bwiza kubera kwikunda, kwanga abandi no kubanyunyuza imitsi. Ariko se nk置muhakwa yahera he avuga ko ubuhake ari ikintu cyiza ? Yagombye ahubwo kuburwanya agira ati nabubayemo, ariko sinifuza ko abazankomakaho nabo bazabubamo. Ubuhake ni bubi kubera impamvu 2 z段ngenzi. Iyambere ni imitekerereze bushingiyeho, iya 2 ni imikorere yabwo.

 

  1. Imitekerereze mibi ubuhake bushingiyeho
     

Ubuhake bushingiye ku kumva ko igihugu, ibikirimo n段byiza byacyo byose ari iby置mukuru w段gihugu (umwami cyangwa perezida) wenyine. Ahaho uwo ashatse, ahereye kubo bagira icyo bapfana no kubo bahuje ubwoko. Undi wese wifuza kugira icyo aronka agomba kubanza guhakirizwa. Ibintu byose byari iby置mwami : igihugu, amasambu, inka, amatungo, abagore, kugera no ku buzima bwa buri mwenegihugu. Umwami yashoboraga kwica no gukiza uwo ashatse. Byose byari iby置mwami kugera no ku mazina.

 Uwabyumva yagirango ni amakabyankuru, nyamara urugero tugiye gutanga ruradufasha kubyumva. Ubundi umwami KIGELI wa 5 RWABUGILI (1853-1895) yitwaga SEZISONI. Nyuma ariko aza gukunda izina rya muramu we witwaga RWABUGILI, bisobanura umuntu ufite ububasha n段ngufu nyinshi ku buryo adahangarwa. Yararimwambuye, ategeka ko asigara yitwa RWAKAGEYO. Umwami MUTARA III RUDAHIGWA (1931-1959) yageze mu Kinyaga, asanga hali akagabo k誕hitwa mu Kaboza bitiranwa. Yagafashe mu ijosi, akabaza aho kakuye iryo zina, biba ngombwa ko karihindura. Tugarutse kuri RWABUGIRI, yarongoye abagore batatu bavukana kandi bose abambuye abagabo bari barashatseho mbere. Nyuma yaje kubirukana bose, ndetse abacira ishyanga hamwe na sebukwe witwaga NZIRUMBANJE.

N置mutegetsi w置bu ashobora kwibwira nk誕bami ba kera ati igihugu naracyibohoreje, ubutegetsi nabufashe ku ngufu, ibintu byose ni ibyanjye, ubishaka nawe azazane ingufu. Icyo gishuko kirakomeye ; ariko rero ntikigihuje n段bihe tugezemo.

 

  1. Imikorere y置buhake
     

Dore imwe mu mirimo umuhakwa utaragiraga uburenganzira mu gihugu cye yagomba gukorera shebuja :

  1ー Kubaka inkike, kandi ibiti, urubingo, imigozi n段bindi bikoresho byose akaba ari we ubizana.

2ー. Guhingira umutware cyangwa umwe mu bo bagira icyo bapfana, kandi ukazamuha no kubyo wiyejereje iwawe.

 3ー. Kuralira (kurara izamu) kandi inkwi urara ucanye ku izamu ukazizanira, bwacya mu gitondo ukabanza kujya kuvoma amazi umutware n誕be bari bukarabe. Umuralilizi basangaga yatwawe n誕gatotsi yakubitwaga iz誕kabwana, akaba yanamugara kubera imihini. Hari abategekwaga kuralira kandi ku manywa bari biriwe mu mirimo ivunanye.

  4ー. Guheka (mu ngobyi) umutware n誕be bagiye mu rugendo.

  5ー. Gufata igihe : kujya gutaramira umutware n誕be kandi wamushyiliye inzoga mutaramiraho.

  6ー. Gutumwa ahantu aho ariho hose, igihe icyo ari cyo cyose.

  7ー. Kumenya icyo umutware akeneye buri gihe, ukakimuha.

  8ー Kumuha inka yindorano igihe hari umuntu wo muryango we wapfuye, inshumbushanyo niba mulyamo yamaze inka ze, indemano yo kurema ubushyo bw置muhungu we, igihembo niba umugore we yabyaye, izimano niba yaje kugusura.

  9ー Kwemera ko mu nka zawe yahitamo izo akunze akazitwara.

  10ー Kwibombalika no kwitonda.

Umwanzuro
Ibibera mu Rwanda byo kwambura abantu ibyabo ku ngufu kandi ntibagire n誕ho babariza biteye ubwoba. Bijya gusa n段byariho mbere y置mwaka w1959. Uwambuwe utwe azasigara atunzwe n段ki ? Ubuhake buragarutse se ? Oya rwose, Imana ibutulinde. Ahali umuntu yagira igishuko cyo guhaka ; ariko kwemera guhakwa cyangwa kubyishimira, sinzi niba Abanyarwanda bazongera kubyihanganira.

   

Jean de Dieu Musemakweli, Kigali.