Ibihe turimo: Kubera iki ォMiss Sebahinziサ yateje ikibazo mu gihugu cy誕bandi?

Miss Rwanda 2019: Josiane Mwiseneza

POSTED BY: UMUNYAMAKURU 8 JANVIER 2019

08/01/2019, Yanditswe na Amiel Nkuliza

Buri mwaka mu Rwanda hashakishwa umukobwa urusha abandi ubwiza, akagirwa Nyampinga w置 Rwanda. Ibigenderwaho kugirango uwo mukobwa aboneke, ngo ni bitatu: ubwiza, ubwenge n置muco.

Muri uyu mwaka wa 2019, irushanwa rya ォMiss Rwandaサ ryavutse mo udushya. Ryavumbutse mo mwene Sebahinzi ngo w置buranga budasobanutse, rya jambo rikoreshwa n誕b置bu. I Rubavu ho ku Gisenyi aho abarwanira iri kamba bateraniye, batunguwe n置yu mukobwa na we ngo urwanira iri kamba mu gihugu cy誕bandi.

Abanyamakuru b段ngoma iganje na bo baguye mu kantu, bakimukubita ijisho: ォWaba uzi impamvu abanyamakuru ari wowe bibazaho cyane muri iri rushanwaサ? ォNtabyo nzi; ni mwe mubiziサ. Icyo ni igisubizo giciriritse cy置yu mukobwa, nyamara kirimo ibisobanuro bihagije k置shaka kubyumva. Umunyamakuru wabajije iki kibazo na we azi neza ko gishingiye ku ivangurabwoko, bwa bwoko butari busanzwe mu bakobwa bitabiraga amarushanwa ya ォMiss Rwandaサ, kuva yatangizwa mu mwaka wa 2014.

Uyu mukobwa w段myaka 23 ngo avuka mu cyaro iyo mu misozi miremire ya za Rubengera, ahahoze ari perefegitura ya Kibuye. Mu gihe bagenzi be bo bagejejwe ku Gisenyi n段mizinga y誕mamodoka y誕babyeyi babo, we akoze ibirometero birenga icumi n誕maguru, kugirango agere i Rubavu ahari hoteli ihuriwemo abarwanira ikamba rya Nyampinga w置 Rwanda.

Uru rugendo, rumuviriye mo no guca amano, ngo ntirumuciye intege kuko ashobora kuba yifuza kumenya niba koko Nyampinga w置 Rwanda atoranywa hatagendewe ku bwoko runaka. Nyampinga w段kimanuka anateye impungenge abagize akanama nkemurampaka, kubera ko ashyigikiwe n誕bafana batagira ingano, bavuga ko nta wundi bashaka uretse we. Umwe muri aba, anemeye kumufunukuriza ijipi ya V8, niba yemerewe gukomeza amarushanwa.

Ibyari inzozi za ォMiss Sebahinziサ, bihise bihinduka mo ibisa n置kuri: kubera ko mu Rwanda ngo batakigendera ku bibazo by誕moko, Josiane Mwiseneza abonye nomero ya nyuma mu bakobwa bagomba gukomeza irushanwa ribanziriza irya nyuma rya Nyampinga w置 Rwanda 2019.

We na bagenzi be uko ari 20 ubu bateraniye i Nyamata muri Golden Tower Hotel, aho buri wese atangwaho amadolari akabakaba 200 ku munsi arimo kuryama n段funguro, mu gihe cy段byumweru bibiri bazamarayo. Ni akayabo ku mwana w置mukobwa wari usanzwe utunzwe n段myumbati n段bishyimbo iyo mu manegeka yo muri za Karongi, hatagera n置muhanda w置mugenderano.

Ruswa y段gitsina na ォcashサ mu marushanwa ya ォMiss Rwandaサ

Ibivugwa ko umukobwa utoranywa kuba ォMiss Rwandaサ agomba kuba yujuje za ndangagaciro eshatu: ubwiza, umuco n置bumenyi, ngo ntaho bihuriye n置kuri. Umwe mu bakobwa twavuganye, witabiriye aya marushanwa inshuro zirenze imwe atsindwa, ati: ォAbeza, banafite umuco n置bumenyi, ni benshi mu bitabira rino rushanwa, ariko abatoranywa si bo baba baritsinze. Hari abananizwa n段byo basabwa, birimo igitsina n誕mafaranga, kugira ngo bemererwe guhita. Igikomeye muri iyi ruswa isabwa, akenshi ni amafaranga, kuko imiryango ya benshi ntayo iba ifiteサ. Aya ni amagambo y置yu mwana w置mukobwa utarashatse ko amazina ye ashyirwa ahagaragara.

Uyu mukobwa akomeza yemeza ko yasabwe gutanga igitsina, akongeraho miliyoni eshatu z誕manyarwanda, kugirango ashobore gutsinda amarushanwa ya ォMiss Rwanda 2018サ, abuze aya mafaranga ararekera.

Uwitwa Ishimwe Dieu-Donn馥, umuhuzabikorwa wa ォMiss Rwandaサ (Rwanda Inspiration Back Up), ngo ni we Kaganga wa byose: ni we wica, akanakiza kuri aba bakobwa bahatanira iri kamba rya buri mwaka. Iyo ba bandi 20 bamaze kwinjira mu kiswe ォBoot Campサ i Nyamata, akazi ka Dieu-Donn馥 ko guhiga ruswa y段gitsina na ォcashサ ngo ni bwo kaba gatangiye. Buri mugoroba ngo yinjira mu cyumba cya buri mukobwa, uwo babyumva kimwe ngo akaba ari we uhita. Kubyumva kimwe bivuze igitsina na miliyoni eshatu z誕manyarwanda, n置bwo ngo hari abemera gutanga arenze ayo, kugira ngo bashobore gutsinda aya marushanwa, yahindutse ubucuruzi mu bundi.

Nabajije uyu mwana w置mukobwa aho ォMiss Rwanda 2018サ yaba yarakuye ayo mafaranga, cyane cyane ko avuka mu muryango ukennye. Ati: ォMiss Liliane ashobora kuba hari umwe mu bagize umuryango we wayamutangiye, kuko ntibyari gushoboka ko ahita ntacyo atanzeサ.

Ku batazi nyina wa ォMiss Rwanda 2018サ, ni umwe muri ba bacikacumu batishoboye utuye muri ォNdagaswiサ iyo mu Rwampara, akaba asanzwe atunzwe no kuzunguza udukweto n置twenda duciriritse. Ngo aherutse no kuvunika akaboko ubwo abadaso bamwirukankanaga, bashaka kumucuza utwo ducuruzwa yazunguzaga mu ntoki.

N置bwo abenshi mu bitabira amarushanwa ya Nyampinga w置 Rwanda baba baturuka mu miryango iciriritse, amateka ya Liliane Iradukunda yo ngo ni ayandi. Afite imyaka itanu, uyu mukobwa ngo yarezwe n置mwe mu miryango ya se, kubera ko ababyeyi be ngo nta bushobozi bari bafite bwo kumutunga no kumujyana ku ishuri.

Taliki ya 23 Mutarama 2018, we na bagenzi be 19, ubwo bari bateraniye mu mwiherero i Nyamata, Liliane Iradukunda wari usanzwe abaho gikene, ubuzima bwe bwahise buhinduka, ubwo yemezwaga kuba Nyampinga w置 Rwanda 2018: imodoka nshya ifite agaciro ka miliyoni 15 z誕manyarwanda, ibihumbi magana inani bya buri kwezi, amatike y段ndege yo gutembera isi yose, n段bindi bihembo bitagira ingano, byahise bimwirunda hejuru, bityo ahita yinjira mu murongo w誕bandi bakire bo mu Rwanda.

ォMiss Rwandaサ ngo ni umuherwe mu bandi 

Mu gihe cy段minsi 14 buri mukobwa amara muri hotel ォGolden Towerサ i Nyamata, asohoka mo atanzweho byibura amafaranga arenga miliyoni imwe n段bihumbi 500 y置 Rwanda. Ni ubuzima buri wese atakwigondera, cyane cyane abana b誕bakobwa baturuka mu miryango isanzwe iciriritse.

Mbere ya ォBoot Campサ buri mukobwa witabiriye amarushanwa agenerwa amakanzu abiri akodeshwa ibihumbi 100 by誕manyarwanda. Ni ya makanzu mwabonye bambaye mu myiyereko bakoraga. Buri mukobwa anatemberezwa muri za pariki zose z段gihugu, mu Rukari n誕handi nyaburanga atigeze akandagiza ikirenge kuva yabaho. Aba bakobwa ngo banagenerwa umuganga uhembwa hagati y段bihumbi 40 na 50 ku munsi. Iriya bisi koasteri ibatwara ikodeshwa ibihumbi ijana na mirongo itanu ku munsi. Izo ngendo zose zitangwaho amafaranga agera ku bihumbi 500 y置 Rwanda, naho umuganga ubavura akagenerwa hafi ibihumbi 600 mu minsi icumi n段ne bamara muri ォBoot Campサ. Aka kayabo kose ngo kakaba kishyurwa na ォCogebanqueサ, umwe mu baterankunga ba mbere ba ォMiss Rwandaサ.

ォKeza salonサ ikora imisatsi y誕ba bakobwa, ihembwa ibihumbi 30 inshuro imwe gusa; naho ォAsma Make Upサ ishinzwe gukora inzara z誕ba bakobwa ngo ahembwa ibihumbi 15 by置 Rwanda kuri buri mukobwa. Uwafashe ikamba we ngo ni ibindi kuko ngo afite igiciro cye cyihariye kugeza arekuye iryo kamba. Akimara gutorwa ahabwa imodoka ya Suzuki nshya ifite agaciro ka miliyoni 15, naho ibihumbi 800 afata buri kwezi bikaba bingana na miliyoni icyenda n段bihumbi 600 ku mwaka.

Si ayo gusa kuko ォMiss Rwandaサ abona andi mafaranga ahabwa kubera imishinga ageza ku baterankunga, aba bagategekwa n置butegetsi kuyishyigikira. Miss Elsa yemeza ko, uretse ibihumbi 800 bya buri kwezi, yafataga andi mafaranga menshi yaheshwaga n置mushinga ngo wo kurwanya icanwa ry誕makara n置ndi ngo wo kuvuza abantu bakuru ishaza ryo mu jisho. Ibi byose Elsa ngo aracyabisarura mo arenga miliyoni imwe n段bihumbi 500 buri kwezi. Bivuze ko Miss wakoze umushinga we neza, ubutegetsi bukanawushyigikira, ashobora kwinjiza miliyoni 18 buri mwaka.

Ba ォMiss Rwandaサ ngo banahabwa andi mahirwe yo gutembera isi yose cyangwa izindi ngendo zitandukanye. Miss Elsa yamaze ukwezi kose atembera mu bihugu by段 Burayi: Sweden, Ubufaransa, Ubudage n旦buholandi, naho Miss Liliane yamaze ukwezi kurenga mu irushanwa ryitiriwe ォMiss Worldサ mu Bushinwa, aho hotel Sanja yararaga mo ngo ibarirwa mu mahoteli ahenze cyane yo mu gihugu cy旦bushinwa.

Mutesi Jolly wabaye ォMiss Rwanda 2016サ ni umwe mu bakobwa ngo bakize cyane. Ikigo cye cyitwa ォDalaja Investment Gate Wayサ ngo kimwinjiriza buri kwezi aruta kure ayo yahembwaga ubwo yari ォMiss Rwandaサ.

Miss Umunyana Chanita, wabaye igisonga cya ォMiss Rwanda 2018サ, ni we Miss wakunzwe na benshi na mbere y置ko yinjira mu marushanwa. Nyuma yo kuva muri ayo marushanwa yabonye ibiraka byo kwamamaza ikigo cyitwa Tigo, iki kigo kikaba ari kimwe mu bigo bikomeye bicuruza amatelefoni agendanwa mu Rwanda. Naho Miss Hirwa Honorine alias Miss Gisabo, ubu ufite ikigo cy置bucuruzi cyitwa Mpinganzima, buri kwezi kimwinjiriza amafaranga menshi, atagize aho ahuriye n誕habwa Miss Rwanda w段ki gihe.

Uretse abandi bakobwa iri kamba ryahesheje kujya kwiga muri Amerika no mu bihugu by段 Burayi, Miss Fiona Mutoni na we ngo yegukanye arenga miliyoni icumi z誕manyarwanda, yakuye muri ォMiss Africaサ, irushanwa rikomeye, rikunze kubera mu gihugu cya Nigeria. Umusaruro mbumbe wa ォMiss Rwandaサ ukaba ngo udashobora kujya munsi ya miliyoni 65 z誕manyarwanda, buri mwaka.

Ni iki kihishe muri ォMiss Rwandaサ?

Ikihishe mu mushinga wa ォMiss Rwandaサ, kitari kizwi na benshi, ngo ni uko bamwe mu bari mu bushorishori bw置butegetsi bw置 Rwanda bawufite mo akaboko gakomeye, kubera ko uyu mushinga ngo ubarirwa muri myinshi ubutegetsi bubyaza inyungu z置murengera.

Zimwe muri izi nyungu zikaba zituruka kuri bariya bakobwa beza, bazenguruka amahanga ngo bahesha isura nziza u Rwanda. Iyo bagiye iyo yose, ngo basabwa kwegera abanyabubasha, baba bahawe amazina yabo, ariko cyane cyane ba mukerarugendo ngo basabwa gusura u Rwanda ari benshi.

Izindi nyungu ngo ziri muri iriya mishinga y段cyuka ishyikirizwa abaterankunga, ubutegetsi bukabategeka kuyishyigikira, uyitirirwa akaba agomba kugira icyo atanga k置watumye agera kuri iryo kamba. Inyungu zindi, ziri ku ruhande rw置butegetsi uyu mwana w置mukobwa yanyongoreye, ngira ngo zo si ngombwa kuzishyira ahagaragara, kuko yabinsabye gutyo.

Nyampinga w置 Rwanda 2019 azamenyekana ku wa 23 Mutarama uyu mwaka, akaba azatoranywa mu bakobwa 20, ubu bari mu mwiherero i Nyamata. Umwe muri abo ni uwitwa Josiane Mwiseneza, bene Sebahinzi bashyigikiye kurusha bagenzi be, kubera ko na bo ngo bifuza ォMiss Rwandaサ bibona mo. Gutora uyu mukobwa nkaba nabigereranya n置ko umunsi umwe Vatikani yakwibeshya ikaba yatora umwirabura nk旦mushumba wa Kiliziya Gatolika ku isi!